ONE LINERS (POSTED: AUG2008)

bago ko simulan ang kuwento, ito kasi yun..

papasok na ako sa trabaho at sumakay ako ng taxi.

huminto na ito sa harap ng building ng opisina namin nang magbayad ako ng P50 dahil yun ang metro.

nang ibigay ko…

mega-turo si manong sa sticker niya:

"ADDITIONAL TEN PESOS FROM THE FARE."

syet!

========================================================================


masyado yatang mabilis para sundan ko ang post ko dito nung JUL 30.


wala lang. kasi may bigla lang akong naisip.

mahilig kasi ako gumawa ng one liner jokes. naaalala niyo ba yung mga ganito:

***

"hindi lahat ng green ay masustansiya…"

-plema

***

yung mga ganyan. hindi ako nagpauso niyan no?

madalas kong biruin ang mga kaibigan ko, gagawan ko sila ng one
liner at jini-GM (group message) ko sa kanila. tatawa naman sila. ako
naman ubos ang load. ahahhaha!!

========================================================================

medyo malayo ang post ko sa naiisip ko pero may koneksyon ng konti.


hindi ako gagawa ng joke ngayon. ayoko lang din sigurong pakawalan ang ideyang nasa isip ko ngayon.

siguro kung ang mga tao sa Pilipinas ay gagawa ng ganito, baka may lalabas na mga ganitong klaseng one liners.


"ang mahal naman ng pamasahe. manong, sukli ko po…"


-estudyante


========================================================================

"kailangan namin ng bahay…"

- pulibi sa kalye na na-demolish lang ang bahay nila kanina

========================================================================


"ang taas naman ng bill namin sa tubig at kuryente…"

-kapitbahay na jina-jumper ng isa pa nilang kapitbahay.

========================================================================

"ang hirap naman nito…"


-batang may hawak na libro pero hindi marunong magbasa

========================================================================

"ang sakit ng katawan ko…"


- batang inaabuso ng kanyang magulang

========================================================================

"sino bang dapat iboto?"


- first time voter na nakatayo sa harap ng mga tarpaulin ng mga bagong kandidato.

========================================================================

"nasalubsob ang paa ko!"


- batang papasok sa eskwela na ang suot ay lumang-lumang sapin sa paa.

========================================================================

"wala na ba kayong makain?"

- asong kakatayin ng mga lasenggo


"oo nga… "

- sabat ng mga dagang nahuli rin ng lasenggo para lutuin.

========================================================================

"ibagsak! ibagsak!"


- sigaw ng mga nagra-rally

========================================================================

"hay, ang kalat talaga…"

- monolgue ng metro aide na nagwawalis ng kalat na iniwan ng mga nag-rally

========================================================================

"gusto ko nang umuwi kaso hindi pwede. huhuhuhu!!!"


-OFW na nami-miss na ang pamilya niya. hindi lang siya makauwi kasi kailangan niyang magtrabaho sa ibang bansa para kumita ng malaki para sa pamilya niya.

========================================================================


"anyeong haseo!"


- koreanong estudyanteng transferee sa isang university sa Pilipinas.

========================================================================

"huwag po…"

- batang babaeng nagmamakaawa sa amang manggagahasa sa kaniya.

========================================================================

"… … … "


-empleyadong walang masabi sa boss niyang nangpa-power trip.

========================================================================

"wala pa pong response galing sa ahensiyang hiningian namin ng tulong"


- pasyenteng magaling na at nakikipag-usap sa social worker at doktor pero hindi pa makalabas ng ospital kasi wala silang pambayad.

========================================================================

"i want to be a nurse."


- Pilipinong doktor na kumuha ng BS Nursing


"sama kami…"


- mga may edad nang second courser for the sake na maka-abroad din. o maki-uso na rin.

========================================================================

"tumahimik na kayo!!!!!!!!!!"


- nanay na nakukulitan na sa labindalawa niyang anak.

========================================================================

"dapat supervisor na ako eh."


- empleyadong biktima ng palakasan system

========================================================================

"bakit siya ang inuna niyo eh kanina pa ako dito?"


- aleng medyo matanda na at hindi kagandahan na hinuli dahil pinasingit ng lalaking cashier ang magandang namimili.

========================================================================

"ayoko na talaga."


- taong ilang beses nang kumuha ng licensure exam na take 8 na hindi pa rin pumapasa.



nag-asawa na lang. hay….

========================================================================

"gusto ko nang mag-asawa."


- anak ng mga magulang ng isang pamilya na lahat umaasa sa kaniya. may 4 pa siyang kapatid na nag-aaral sa kolehiyo. 35 years old na siya.

========================================================================

"bilisan mo!!! "

- 2 snatcher hinahabol ng pulis

========================================================================

"ahhhhhhhhhhhh…."


- ale, sumisigaw kasi hinila ng 2 snatcher yung pareho niyang hikaw sa 2 tenga.

ang sakit nga.

========================================================================

"i want to marry you…"

- Pinay na pinapangakuan ng kasal ng kanyang boyfriend na foreigner habang siya ay may asawang tao dito sa Pilipinas at may 5 maliliit na anak.

========================================================================

"i am sorry."


- alam niyo na kung sinong nagsabi niyan

========================================================================

"manong, paki-palitan kasi hindi po umandar."


- teen ager na pumunta sa Quiapo kasi bumili siya ng DVD pero ang totoo umandar naman iyon. kunwari lang hindi para mapalitan na nang bagong DVD. take note, pirated pa yan! na-pirata pa si manong! aysus!


========================================================================

"ma’am, ma’am bold. sampaloc scandal. paris hilton."

- manong sa Quiapo na tinawag ako para bentahan ako ng pornographic DVD.

hahah! tawa ako nang tawa pag-uwi ko. alam na alam ni manong na nanonood ako ng ganon! ahahaha! (o, wag ka umarte, dumadaan naman karamihan ng tao sa ganyan no?)




bibili sana ako wala lang akong pera nun kasi estudyante lang ako at naka-uniform pa. heheh..

========================================================================

"masayang masaya po ako… huhuhuh!"


- aleng nakapasok sa Wowowee sa pa-contest na Willie of Fortune. desperadong manalo.

========================================================================


"itaktak mo na yan to the tune of P5, 000!"


- manager

========================================================================

"paano ko kaya ito itatago?"

- babaeng 14 years old na nabuntis ng kanyang 19 year old na boyfriend na hindi na niya alam kung nasaan na.

========================================================================

"ayoko nang mag-dispute sa sweldo ko dahil mauubos ang oras ko. magtatrabaho na lang ako."


- empleyadong may reklamo sa sweldo niya pero pinili na lang magtrabaho pa rin dahil alam niyang mabagal ang dispute process sa opisina nila.

========================================================================

"antok na ako."

- call center agent na bago lang sa night shift at hindi nakakatulog sa umaga.

========================================================================

"anak, anak, yo ar byutipol layk mami."

- nanay na mine-make-up-an ang anak niyang nangangati ang mukha. sasali kasi sila sa pa-kontest sa TV. That’s My Boy.

========================================================================

"ma, dalhin niyo ‘ko sa ospital!!!!"

- 16 years old na lalaking feeling emo at sa pag-aakalang ang paglalaslas ang magpapatunay na emo siya, ayun, hindi na tumitigil ang agos ng dugo sa pulsuhan (ito ang ang tagalog ng wrist?) niya.

PEER PRESSURE.

kasi sabi ng friends niya, emo ang uso. TH!

========================================================================

"hindi ako adik!"

- lalaking dinadala sa rehab.

========================================================================

"salamat sa Diyos buhay ka anak!"

- nanay na umiiyak sa saya dahil naka-survive ang anak niya mula sa motorcycle accident.

sumingit kasi sa lane. ayun, nabangga ng kotse. buhay siya. putol nga lang ang paa.

========================================================================

"boss, baka naman pwede nating pag-usapan ‘to?"

- mamang may traffic violation at nagbibigay ng "pang-meryenda" sa pulis na nakahuli sa kanya

========================================================================



hindi pa tapos. kaso andami na yata masyado.

wala akong pinapatamaan. ONE LINER lang.