GUSTO KO NG MARAMING PERA (POSTED: JAN2009)

sorry sa mga mao-offend. tutal hindi naman super blog ang blog ko. JUNK DIARY nga lang.

hindi rin ako mahilig mag-search o kaya magbasa kaya maaaring isipin niyo na walang basehan ang mga sasabihin ko ngayon.

kasi naaasar lang ako.

lahat ng bagay ay binigay sa atin ng Diyos ng libre. Libre pagkain, libre tubig, libre paninirahan sa Earth, libre pets, libre love, libre lahat! pati nga concert ni Sharon libre din di ba?

pero kasi naman, sino ba nakaimbento ng pera? sabihin niyo sa akin! ok fine, BARTER TRADE… sige, sige, barter trade. pero un palitan lang ng bagay yun. pero sige parang pera na rin yun.

pero nakakaasar lang kasi, bakit ba kailangan ng perA? sabi nila hindi naman daw nabibili ang lahat ng pera. ewan ko. ako? masaya ako pag may pera ako. kainis! pati ako nababago ng pera.

naiinis lang ako kasi bakit ang isang taong matagal nang mabuti nagbabago nang isang iglap pag natapatan na ng pera? ang pag-ibig dati puro at walang bahid ng kaeklavuhan, pero kung may pera, kahit wala nang pag-ibig, go na lang. ano ba ito?

ang bansa natin, malapit na maging number one sa kurapsyon… dahil sa pera! ang mahihirap, mahirap kasi wala silang pera. may krisis kasi wala na namang pera.

lahat ng tao, sabihin nating ang isang tao, P100 na lang pera, ung P50 dun pangtaya ng lotto para manalo siya kung papalarin. para magkapera na naman. wahhhhhhh!!!

bakit ba kasi nagkaroon ng pera? pwede namang may pera basta hindi nagbabago ang puso ng tao.

pwede namang halimbawa nagtatrabaho ka sa call center, tapos ang sweldo mo, imbes na pera, bibigyan ka ng manok na buhay at saka bigas saka prutas (teka ang pangit naman yata nun no? ayoko rin nun. isipin niyo na lang pag payday may dala kayong bayong sa call center!)

may nadaanan akong tindahan nung elementary pa ako, lahat ng bagay sa tindahan na yun may bayad… lahat piso isa. piso sitsirya, piso tubig isang baso, piso silip sa TV, piso pati isang hinga pag nakatapak ka sa tindahan nila! potek!

ung iba hindi makapag-asawa kasi walang pera.

hindi makapag-aral sa matataas na iskwela kasi wala na namang pera.

hindi rin makalipat ng ibang bansa kasi walang pera.

maraming samahan ang nasisira dahil sa pera.

madaming tao ang nango-opress ng kapwa nila kasi sila ang may pera.

nalilimutan na ang kapatiran dahil sa pera.

madaming napapariwara kasi madami silang pera.

yung walang pera nakikipariwara din. ano ba yan?

ang daming tao sa mundo kasi walang pera. wala sila magawa kaya nagse-sex na lang sila. buti pa sila yun ang ginagawa. ako wala. (joke!)

may mayaman at mahirap tuloy dahil sa pera.

may game show dahil sa pera. (at sasali ako!)

lahat ng kagandahang asal nakakalimutan dahil sa pera.

lahat-lahat… nakakainis kayo!

eh basta… naaasar lang ako sa pera. kita mo, pag wala akong pera, mainit ang ulo ko. kung ano-ano nasasabi ko.



PAG NAGKAPERA NA NAMAN SIGURO AKO, MASAYA NA NAMAN AKO. BACK TO NORMAL BA? kainis!