ANG YEAR ENDER NA MAHABA (POSTED: DEC2008)

hindi ako fan ng paggawa ng new year’s resolution. kasi wala naman akong nagagawa. pag sinasabi ko, wala naman nangyayari kaya hindi iyon ang isusulat ko ngayon.

iibahin ko.

ang gagawin ko, magre-recall ako ng mga nangyari sa akin (o nangyari sa taon) and then maybe, i can start from there.

marami.

super.

try natin ang enumeration.

(random na ito. di ko na rin maalala ang pagkakasunod-sunod. basta sisikapin ko ilagay ang lahat ng kaya kong ilagay.)

1. kung anong una mong naaalala, yun ang isusulat mo sa number one.
THANK GOD NALAMPASAN KO ANG 2008.

SALAMAT SA MGA NAG-UUBOS NG KONTING PANAHON SA PAGABABASA NG BLOG KO AT SA PAG-IIWAN NG COMMENT.

2. lahat ng tinatago, masama. (sa akin lang naman applicable ito ano?)

3. it is not bad to start from scratch.

4. i’m knocked down, but never knocked out.

5. pangarap kong makakuwentuhan si Bo Sanchez.

6. parang ang saya maging Christian. hindi pala siya corny. (hindi po ako Christian. Catholic ako. pero pag nakikita ko sila, lalo na yung kapatid ko, parang masaya siya sa ginagawa niya. mabuhay ang mga Christian na nagbabasa nito. masaya naman ako sa religion ko.)

7. mahal ko ang aking pamilya.

8. kahit papaano, nakagawa na rin pala ako ng bagay na ikakasikat at ikakasakit ko.

9. napaka-self centered pala ng blog ko (obvious ba?)

10. ang isang bagay, sa umpisa hindi mo gusto. pero pag nakasanayan mo na, rock en roll rin pala.

11. madalas, hindi tayo masaya sa trabaho. pero ang nagpapasaya sa iyo ay ang iyong mga katrabaho. at ang sweldo. heheheh!

12. nakapagpadala na ako ng mahigit 10,000 text messages sa loob ng kalahating taon. (ang lakas ko pala sa load. o may mas malakas pa sa akin!)

13. kengkoy pala ang kuya ko.

14. ako si gagambala. at gagambalain ko kayo!

15. okay lang palang makatanggap ng teddy bear kahit hindi galing sa lalake. (pangarap ko kasi makatanggap ng teddy bear galing sa lalaki pero mga babae nagbibigay sa akin.)

16. mahilig talaga ako sa aso. ayoko ng pusa. at takot ako sa bulate.

17. hindi lahat ng lalake guwapo. noon yon. ngayon, hindi lahat ng guwapo, lalake. wahhhhhhhhhhh!!!!!!!

18. napakasayang mag-party. hindi talaga kailangang magarbo. basta lahat kayo masaya, nagkakasundo, nagmamahalan… masaya pala talaga.

19. napatunayan ko na hindi pala talaga mahalaga ang materyal na bagay para maging masaya ka.. pero ako mukhang pera.

20. natatawa ako kay Julius Babao. minsan niyang nasabi sa isang balita noon na hindi pa inaabot ang Pilipinas ng worldwide crisis… grabe. partida pa pala nung mga panahong iyon.

21. ang gastos maging tabachoy.

22. hindi kami kasya sa tricycle.

23. masarap daw akong kasamang kumain.

24. wala pa akong nakasamang pumayat. lahat sila tumaba.

25. masarap sana ang may ka-i love u ka, may nagsasabi sa’yo ng i miss u, at nagtatanong kung nasaan ka na… pero okay lang kung wala. pwede mo naman sabihin, WER NA ME? D2 NA ME. KUMAIN NA BA ME? I MISS ME, I LOVE ME, KUMUSTA NA ME… leche! napaka-self supporting.

26. hindi ka rin sasaya kung ikaw lang. dapat may kasama ka.

27. hindi totoong pabigat ang kaibigan. pero ako mabigat. pero kaibigan mo ko. gulo no?

28. may utak pala ako kahit papaano.

29. mayroon na akong HALOS 2,000 comments na kabuuan sa blog ko. (thank you. pero binubura ko yung iba na mukhang spam lang.)

30. nakalimutan kong simulan ang entry na ito ng HAPPY NEW YEAR.

31. boring akong tao.

32. pero interesting daw.

33. isang kindat lang, one shot dead na ako.

34. napaka-gullible kong tao.

35. natapos na ang taon, wala pa rin akong syota.

36. masaya ring tumingin sa magagandang babae. kahit babae ka rin.

37. tinamad akong mag-make up.

38. tumaba pa pala ako.

39. lagi pala akong nabibiktima ng mga taong pa-fall.

40. huwag magtatanong kung magde-deny ka lang.

41. masarap gumamit ng computer.

42. nakakabaliw manood ng anime lalo na kung di pa pinapalabas sa TV. ayoko ng manga. kasi hindi ako mahilig magbasa.

43. marunong na pala talaga ako magsulat ng hiragana at katakana.

44. mabilis pala akong matuto.

45. maraming nagsasabing addict daw ako. addict ba kasi saan.

46. maraming reader ang hindi magkakainteres na basahin to kasi mahaba na naman.

47. next year 23 na ako.

48. akala ko loser ako. hindi naman pala.

49. mabilis pala ako mag-type.

50. ang sarap sanang isipin na nagkaroon ako ng mga tangahanga sa blog ko. mantakin mo hinihingi ang number ko at magkita daw kami! yahoo!

51. never talaga ako natuto mag-yosi.

52. may mahigit 500 comments na ako sa fs account ko.

53. halos 200 din pala ang mga kaibigan na kilala ko.

54. malamang sa mga oras na ito, nasasabi mo na sa sarili mo, “ano naman ang paki ko?”

55. sobra ang krisis lately. actually noon pa.

56. wala akong ipon. naubos lang kakakain ko.

57. masayang kumanta ng kantang kahit hindi mo naiintidihan.

58. wala pa ring kupas ang mga pelikula ni DOlphy.

59. andito pa rin ako sa Pilipinas.

60. mayabang pala ako.

61. i love my aso.

62. ang haba talaga nito.

63. madami palang porn sites.

64. nakakainis kausap ang walang kwentang kausap. at isa ako doon.

65. 3 beses na-bad trip ang bespren ko sa akin.

66. kung anong ginawa mo, siya ring babalik sa iyo.

67. i love you.

68. kayang maglakad ng mga tao nang walang damit sa loob ng bahay namin… tara! join them. hindi ako kasali.

69. hindi na nakakatawa to.

70. ilang pages kaya ito?

71. walang bagay na maliit basta binigay at ginawa ng buong puso.

72. nangolekta pala ako ng keychains. nakakaloka. at yun lang pala yung meron ako.

73. gustong-gusto ng tatay ko na tumubo uli ang buhok niya. pati na rin si kuya.

74. hindi ko namamalayan na nagpapalobo at nagpapalipad pala ako ng laway pag wala akong ginagawa. (nagtinginan sa akin ang mga tao sa PRC kasi hindi ko alam na ginagawa ko na pala.)

75. masarap pag-trip-an ang kabataan at kabobohan ng mga ko.

76. ngayon ko lang naisip na wala talaga akong siyota.

77. malamig ang pasko. malamig din ang bagong taon.

78,lasang panis pala ang adobo pag hinaluan ng red wine.

79. masarap ang fruit salad.

80. marami talaga akong typrographical errors. itanong niyo na lang sa mga naging ka-trabaho ko.

81. masayang makipag-away in English.

82. nanggaling na ako sa COnvergys. heheheh! saya!

83. madami na ring mga salitang naimbento. hindi ko naman alam kung anong ibig sabihin.

84. ang sarap mag-videoke. nakakaadik.

85. pag sobrang gutom ka na, kahit hindi masarap o kahit panis pa, makakain mo rin. yak!

86. ilang items ba ang naulit kong sabihin?

87. ang galing ni charice, allan, charlie… actually marami sila di ko lang alam ang pangalan. ang galing ko rin pala! hahah! naki-epal!

88. nasira yung machine nung lotto nung isang gabi na nanonood ako ng draw.

89. natutunan ko na hindi maganda ang maghabol sa taong ayaw magpahabol. nakakasawa pala ang maging balagoong. ang habol ko, parang langit-lupa. ayawan na. ay hindi, ako lang pala.

90. kapag pumasok ka sa CR namin, magkukulay bangkay ka.

91. nanonood ako ng EVA FONDA, FEAR FACTOR, I LOVE BETTY LA FEA, LUNA MYSTIKA, at kung ano-ano pang teleserye na meron sa gabi at sa hapon.

92. gusto ko sumali sa Ms. Fitrum.

93. madalas ko isali ang Wowowee sa blog ko. (NASABI KO NA BA ITO?)

94. kahit anong handa ng pasta gusto ko.

95. ano pa ba?

96. msasarap pa rin magsaya sa sarili mong bahay kaysa nasa ibang lugar ka.

97. make someone happy each day. even if it is yourself.

98. GOD IS GOOD. ALL THE TIME.

99. napakaganda talaga ng fireworks.

100. para sa iyo na ito. (oo! sa’yo nga!) dahil nakaabot ka sa item 100.

MALIGAYANG BAGONG TAON SA INYONG LAHAT. HANGAD KO PO ANG LAHAT NG MAKAKABUTI SA IYO… MARAMING SALAMAT…