ANG LIKHA NG NABABASTED TAON-TAON (POSTED: MAY2005 )

mula sa isang pakiramdam

na ginawa ko lang mula sa isang maling akala

noong una ay isang kalokohan

pihadong kahit sino, hindi maniniwala

sa iyong mga mata ko lang nakita

pagmamahal na sadyang tunay

tunay nga, tunay ngang mapanlinlang

ngayon, nandito ako’t ayaw maniwala

ang tula na ito ay para sa’yo

bagaman alam kong ika’y di para sa akin

dahil ngayo’y siya pala ang para sa iyo

dadayain ko na lang ang sarili ko

na ako ay siya at siya ay ako

mula sa isang tinginan

na ginawa ko mula sa isang maling ilusyon

noong una’y aking tinatawanan

pihadong kahit sino, hindi maniniwala

sa iyong ngiti ko lang nakita

kasiyahang sadyang puno ng kulay

tunay nga, tunay ngang mapanlinlang

ngayon, nandito ako na parang maiiyak.

ang tula na ito ay para sa’yo

bagaman alam kong ika’y di para sa akin

dahil ngayo’y siya pala ang para sa iyo

dadayain ko na lang ang sarili ko

na ako ay siya at siya ay ako

alam kong sa ngayon

wala akong magagawa

pero hindi ako aasa

darating rin ang araw

maaaring hindi na ikaw

o maaaring hindi na siya

pero hindi na rin ako.

pero sa ngayon..
tumutula ako para sa’yo
kahit ikaw ay hindi para sa akin.