EXAM-AN! (POSTED: SEP2008)

INTRO:

HINDI PORKE’T MAGALING KA SA INARAL MO NOON AY MAGALING KA PA RIN DOON HANGGANG NGAYON… LALO NA KUNG HINDI MO NI-REVIEW NG GANOON KABUTI.

—————————————————————————————————–

August 27, 2008

alas cinco y medya… saktong-sakto.. nagising na ako. medyo mainit ang katawan ko. pawis na pawis ako. ewan. masakit ang ulo ko.

o… ano bang iniisip niyo? kayo ah… wish ko lang di ba?

exam ko kasi mamaya (huwag niyo nang tanungin kung para saan). alas otso y medya. kailangan kong umalis nang maaga dahil magji-jeep lang ako mula Commonwealth papuntang Pasay.

—————————————————————————————————–

Mahaba ang biyahe. Muntik na nga akong ma-late. At kamalas-malasan, nahuli pa ng pulis yung pangalawang jeepney na nasakyan ko. Pero nakarating naman ako ng buo sa venue.

—————————————————————————————————–

Alas otso kinse.

mega-announce ang nurse-coordinator para sa magaganap na disaster.

NAg-aral naman ako.

Nagawa ko pang um-absent ng isang gabi sa trabaho para lang makapag-review. Medyo masama nga yata ang loob ng TL (team leader) ko sa akin dahil um-absent na naman ako. PInilit kong huwag munang pansinin iyon dahil gusto kong mag-focus dun sa inaral ko.

At ito na… dumating na ang dalawang bouncer ng examination hall para siguruhing walang kopyahan na mangyayari at magiging matino ang kalalabasan ng pagususulit.

tama na… focus na sa aking papel.

tahimik ang paligid. ang ingay lang ang ay tunog ng mga papel na inililipat ng mga kasama kong nagte-test kung tapos na sila sa page 1.

ako… page 1.

number 1.. ay hindi ko alam ‘to.

lipat.

number 2… ay hindi ko pa rin alam.

lipat.

number 3.. teka, mamaya na to.

lipat.

number 4… ahhh.. di ko rin to alam.

lipat…

teka… waahhhhhhhhhh!!! wala ata akong alam. number 5 na ako, wala pa rin akong masagot!

dinadaya ko na lang ang sarili ko. DIVINE INTERVENTION na ang kailangan ko rito.

o Diyos ko, tulungan niyo ako. alam kong walang himala.

Akala mo lang wala, pero meron! meron! meron!

gusto ko na lang patawanin ang sarili ko. parang masisiraan ako ng loob.

shake your head… erase! erase! erase! kaya ko to… 1 to 60 ito. ngayon pa ba ako masisiraan ng loob? sinuong namin ng bestfriend ko ang bagyo para makapagpasa kami ng application.

pumunta ako dito hindi para bumagsak kundi para pumasa at makapasok sa training!

naks… brave! pa-cheeseburger ka naman!

ahh…. basta! sige.. go! go!

laktaw…

laktaw…

pag hindi alam, laktaw.

itaktak mo na yan to the tune of 100 pesos! yan ang ibinayad namin sa examination fee.

“5 mins to go.” sigaw ng examiner.

“nagapala, sa number 54. 2 lang ang choices. so bonus na yan. e di may one point na kayo. are you happy?” singit niya para matakpan ang pananakot niya sa amin.

“ay. 15 mins pa pala…” joke! joke! joke!

tae! hindi ko na alam. parang natatae na ako na hindi ko maintindihan. umiikot sa buong examination hall ang dalawang bouncer. paano na ako? gusto ko sana mangopya sa bestfriend ko. katabi ko kasi siya sa kanan ko.

huhuhuhu!!!! bakit hindi ko makita?

kaso iba na ito eh. mas nakakahiya na’ng mangopya. yung alam niya, kukunin ko lang para mailgay sa papel ko at mailigtas ang sarili ko sa kahihiyan kapag bumagsak ako. hindi na ako estudyante. hindi gawain ng isang propesyonal ang mangopya at mandaya.

huwag na.

sa kabila na lang ako mangongopya. ngyeeee!!!!

pagtingin ko sa kaliwa ko, ahahah! wala nga pala akong katabi. nakalimutan ko. siguro konsensya ko lang yung nakita ko. ahahah!!!

eh di wala na akong makopyahan. sariling sikap na ito.

gamitin ang universal exam tactics.

UMBRELLA METHOD. ito ang paraan kung saan sa isang sagot makikita mong in-embrace na niya ang lahat ng choices. hindi ka papalya.. hindi na… hindi na… hinde.. hinde…hinde…

LONGEST ANSWER. ito naman yung pinakamahaba sa lahat ng choices. yun naaaaaaaaaaaaaaaaaaaa!!!!!!!!!!!!! happy birthdaaaaaaaaaaaaaaaaaaaaaaaaaaayyyyy… hanggang kapusin ka ng hininga at tawanan ka ng clown.

WHICH IS DIFFERENT. alin.. alin.. isipin kung alin ang naiba. kapag di mo pa naisip, goodluck na lang!



FIFTY-FIFTY. ito ung ELIMINATION METHOD din kung tawagin. ito yung iko-cross out mo ung 2 o higit pang pampagulo sa mga choices. at yun, may 50% kang chance na maging tama o mali sa mapipili mo. kung HARI ka NG SABLAY.. isang tama, sampung mali… sabihin mo na lang TIRA-TIRA.. you’re the man!

VITAMIN C. ito yung kung manghuhula ka at ang choices ay A-D, ang laging tamang sagot ay letter C. ako naman, iba ang teorya ko diyan. ako laging letter b. 80% ang efficiency nito sa akin. wala naman kasing 100% pag nanghula ka. pwera na lang kung sing asim ng powers mo ang powers ni Madamme Auring!

BAHALA NA SI BATMAN PRINCIPLE. hulaan na ito!!!! bobotic mode! let’s get ready to rambol na!!!

nadali ako sa computation. hindi. nadurog ako. nakita ko. parang hindi ko alam. walang choices. hindi parang. hindi ko talaga alam.

ewan. hindi naman ako kinakabahan. hindi naman ako inaantok.

anuver??????

hindi naman ako baguhan sa pagte-take ng exam, BOARD EXAM nga naipasa ko, ito pa kaya?

sige.. sige… dayain mo pa ang sarili mo. false hopes? ewan. hindiiiiiiiiiii!!!!!!!!!

sinubukan ko. sige, sagutan mo. sagutan mo hanggang dumugo ang utak mo.

ito ang example:

ISOKET 80CC. DOSAGE IS 3MG/HR. WHAT IS YOUR FLOW RATE?START NICARDIPINE DRIP. 250CC. 2MG/MIN. WHAT IT YOUR FLOW RATE?





pakiramdam ko, hindi na ako magkakaanak in the future kaiisip. ubos na ang egg cells ko. pati DNA ko sunog na. neurons ko wala nang connections.COMA na. parang namilipit ang fallopian tubes ko. pumutok ang obaryo ko. nababakbak na ang uterine walls ko. lecheng exam! ang hirap! putek!

iniisip mo sigurong over-acting ako.

oo, yun na lang ang magagawa ko nang mga panahon na iyon. ang magpaka-OA. e yun na lang ang magpapagising ng namumuo kong platelets. parang gusto ko na talagang umuwi.





walang choices. kulang ba ang tanong? o ako lang ang kulang?

pero ito ang nasa isip ko:

a. Consult the physician.
b. COmpare with the pharmacist.
c. STOP… taking the exam and go home.
d. Pray.
e. PAss your paper. Huwag mo nang pwersahin ang sarili mo dahil hindi mo naman talaga alam. Umuwi ka na lang sa inyo at magsulsi. Tapos pa-deliver ka sa Jolibee. B7. Go Large! Coke Zero yung drink. 45 mins to deliver.
f. All of the above.

alin kaya diyan?

may mga tanong naman na sobrang sigurado ako sa sagot. Kahit papaano may naaalala pa ako sa mga natutunan ko sa duty ko dun sa pina-volunteer-an ko. meron. meron naman.

abangan na lang natin yung result. hahaha!!!

OUTRO:

KAPAG AKO BUMAGSAK, IIYAK AKO.