MAKATANG TAONG GRASA (POSTED: JULY 2008)

ang totoo.. hirap na ako mag-isip. medyo pumurol ang utak ko nitong huli dahil marami akong inaalala (ulol! excuses! hahahah!)


wala talaga akong maisip.

di naman ako nagpaparinig. o nagpapasaring. wala akong kilala.


pinipilit ko pa rin magsulat. kyemelyn! ching ching charing! hahaha!

labyu! mwah!

=========================================================================


sa oras na umalis ka na sa kinalalagyan mo,
saan ka na pupunta?
hindi ka natatakot maligaw pero saan ka dadaan?
sa daang nasa kaliwa?
sa kanan?
o doon sa nasa gitna na nakaharap sa iyo?


hindi ko masasabing ako ay naiiwanan,
dahil mayroon diyang hindi na makaalis.
hindi rin naman masasabing ako ay nauuna
dahil may nakausad na bago pa ako dumating.
pero ako patuloy lang.
saanman mapadpad.
ang alam ko
may narating naman ako.
kahit papaano.

kung ikaw man ay napapariwara
sa tingin ko hindi dahil sa naligaw ka
iyon ay dahil
hindi mo lang alam kung paano mamuhay
sa landas na pinili mong tahakin.


kaya mong magsimula nang mali
at magwakas na tama
minsan naman masyado nang tama
kaya lahat namamali.
walang perpekto.

ang sarap magsalita
sana may nakikinig
minsan may makikinig
wala ka namang matinong masabi

noong hindi ko alam
kaya kong gawin
nang malaman ko na kung paano
lalo yatang pumalpak
anong problema?


lahat sila nagmamadali.
ayokong sumama
ako daw mabagal?
hindi yata.
ayoko lang nang mabilis
pero ayoko ring mahuli.
gumagalaw naman ako
hindi nga lang ako sumasabay sa inyo.


lahat sila nagbago
ako hindi
lahat sila biglang nag-iba
ako hindi
hindi naman masamang magbago
basta huwag kang makakalimot
ako’y makalilimutin kung minsan
pero sa utak lang
sa puso hindi.


gusto kong subukan
natatakot lang ako
buksan ko kaya
pero bigla ko ring isasara
kasi makukulong ka na
sana lang huwag kang masakal.
hindi mainit dito.
pero sana huwag kang lamigin.


pasensya na
wala akong alam
hindi naman ako bobo
di nga lang din nagbabasa

pakiramdam ko malayo na kayo
pero bigla niyo na lang sinabi
hintay…

huwag kayong mayabang
kung magkukumpara ka
siguruhin mong magkalinya tayo
ayoko ring magyabang
pero papatol ako
pag na-bad trip ako.


mabaho ba ako?
madumi siguro
hindi ako nagsisipilyo
pero ang ngiti ko
mas totoo pa kaysa sa iyo.


hindi ako mangkukulam

pero isinusumpa ko

kahit ilang beses ka kumuha ng board exam
hinding-hindi ka papasa.


ayaw niyo sa akin
wala naman akong ihihirit
diyan lang kayo
dito lang ako.



nasa’n na ba kayo?
hindi ako laging nandito.
pero pakalat-kalat lang.
paikot-ikot
pero hindi pa nawawala.

baligtarin ko kaya damit ko

pero wala namang engkanto eh

wala naman kasi akong pupuntahan.